Aproko wey dey say Naija international midfielder wey be John Ogu fit piante comot for Israel wen season end after e don spend five years.
The midfielder wey dey play for Hapoel Beer Sheva don kolobi six domestic titles for Israel do far.
Tori say Ogu contract go expire dis summer and e be like dem no dey offer am better deal so therefore feel say time to waka go find fresh challenge don reach.
Ogu believe say im still get plenty to give for top level football and im be big fan of Arsenal Fc and e no dey hide im love for the English club .
Im b4 teammate wey be Anthony Nwakaeme sef bin try get better-improved deal wen e bin dey the same club but later waka wen e no see and since then e just dey shine for Turkey side Trabzonspor for the Turkey Süper Lig.
Ogu don play for Slovenia, Spain and Portugal before e waka enter Israel for 2014 after e terminate im contract with Academica de Coimbra.
E don appear 186 times for Hapoel ,score 18 goals come give eight assists. As e dey so im team Hapoel Beer Sheva dey 27 points behind leaders wey be Maccabi Tel Aviv .
The post I still get plenty to offer European clubs dem – Ogu appeared first onCornerstone News Nigeria.