Neymar dey way ahead of Kylian Mbappe and im other team mates dem for the waka to be Ligue 1 richest asset, as Paris Saint-Germain dey boast clean sweep of the top 11 highest-paid players for inside France.
Tori from inside France don use style release the total monthly salaries wey dey across the country top tier.Brazil starboy wey be Neymar, wey bin join PSG from Barcelona for £198million for August 2017 na im still be the division’ top earner as im dey kolobi around £2.6million every month even before e pay tax.
That one is equal to weekly salary of around £600,000.
Players wey dey give am close marking na im team-mate Mbappe wey dey collect reach around £375,000 every week.Bonuses no dey for all dis kpogiri wey dem dey collect so.
PSG presently dey top the ligue 1 with 12 points and their financial seniority show say the top 11 richest players wey dey inside the division dey for Thomas Tuchel squad.
Edison Cavani, Marquinhos, Thiago Silva, Marco Verratti, Angel Di Maria and Keylor Navas dey kolobi at least €1m a month. Monaco Wissam Ben Yedder dey kpake (£127,000 a week) the richest of the rest.
The post Na Neymar dey collect pass for Ligue 1 appeared first onCornerstone News Nigeria.
