Tori say Super Falcons of naija go jam one Icelandic club as part of their preparation for the women world cup wey go shele for inside France.
The Nigerian gals go confront Iceland club side wey be UMF Selfoss and Canada for their pre-women World Cup friend friend gbeges for inside Spain.
Already the Falcons don play some games for 2019 so far after dem follow participate for both the tours of China and Cyprus to take prepare for their eighth campaign for the global showpiece.
Everybody dey expect Thomas Dennerby and im team to ginger wella for the Pinatar Arena’s women’s football festival wey shele from April 1 April 10 together with other four other World Cup campaigners – Brazil , Scotland , Canada and Chile.
The African giants rank 38th for the latest Fifa women world rankings for March go start their gbege on Friday On April 5 against Selfoss, wey relegate go Icelandic third division for 2018.
Nigeria jam shoulder with hosts France, Norway and South Korea for inside Group A. Their first kasala for the world cup proper na against Norway for Reims on June 8.
The post World cup preparation go continue for Super Falcons appeared first onCornerstone News Nigeria.
